Форт-Шевченко ауданында құстар жаппай қырылып жатыр

Форт-Шевченко ауданы Баутино мен Аташ ауылдары маңындағы жағалаудан 160-қа жуық өлі суқұзғын табылды, деп хабарлайды Almaty.tv тілшісі stan.kz сайтына сілтеме жасап.

Аймақтық ауыл шаруашылығы мен жануарлар әлемі инспекциясы аңшылық шаруашылық бөлімінің басшысы Тұрғанбай Шапағатовтың айтуынша құстар бірнеше күн бұрын соққан қатты дауыл салдарынан өлуі мүмкін.

«Құс Қызыл кітапқа енбеген, оған аңшылыққа да шықпайды. Мамандар су мен ауа сынамасын алды. Нәтижесі келген соң бірден хабарлаймыз. Біздің болжамымызға сәйкес, құстардың қырылуына екі-үш күн бұрын соққан қатты дауыл себеп болуы мүмкін», – дейді Т. Шапағатов.