|
Jol
01.06.2023 | 09:41
579

Жас жігіт көлік терезесінен ұшып кетті: Алматы маңында жантүршігерлік жол апаты болды

Рөлде 20 жастағы жүргізуші отырған

Жас жігіт көлік терезесінен ұшып кетті: Алматы маңында жантүршігерлік жол апаты болды ашық дереккөзден

Алматы маңында жантүршігерлік жол апаты болды, деп хабарлайды Almaty.tv тілшісі Tengrinews.kz-ке сілтеме жасап.

Басылым оқырманы оқиғаның видеосын жіберген. Оның айтуынша, оқиға Белбұлақ ауылы маңындағы Талғар тасжолында болған. Кадрларда Mercedes қатты жылдамдықпен соғылғаны көрінеді.

"Дүкен маңында көлік "сальто" жасады. Көлікте отырған адам терезеден ұшып кетті. Ол тірі ме, жоқ па, белгісіз", - деп жазды ер адам.

Алматы облысының полициясы оқиғаға қатысты пікір білдірді. Жол апаты 15 мамырда таңғы сағат 06:40 шамасында болған екен. Рөлде 20 жастағы жүргізуші отырған.

"Mercedes көлігін тізгіндеген ол Алматы-Талғар тасжолымен жүрді. 15-шақырымда жүргізуші рөлді басқара алмай соқтығысты. Оқиға салдарынан дене жарақатын алған жүргізуші Талғар ауруханасына жеткізілді", - деді өңірлік Полиция департаменті өкілі.

Бұл дерек Талғар ауданының полициясында Қылмыстық кодекстің 345-бабы 1-бөлігі бойынша тіркелді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир