Батыс Қазақстан облысында белгісіз себептен мал қырылып жатыр

Батыс Қазақстан облысында белгісіз себептен мал қырылып жатыр, деп хабарлайды Almaty.tv.

Бұл туралы facebook желісінде Ерденбек Жылқайдарұлы мәлім етті. Ол жазбасында ірі қара шығыны жүзден асқанын айтады.

«Батыс Қазақстан облысының оңтүстік аудандарында жағдай қиын. Мал қырылып, жұт боп жатыр. Өткенде даладағы жылқысын қиналмасын деп, шарасыздан бауыздап тастаған казталовтық шаруаның видеосын фейсбукқа салған болатынбыз. Мынау Жәнібек ауданы, Күйгенкөл ауылындағы жағдай. Соңғы бірер күнде өлген мал. Биыл ауылдағы ағайынға төрт түлікке төл ілестіру былай тұрсын, бар малды сақтап қалу мұң боп тұр. Есебін ешкім жүргізіп жатқан жоқ, бірақ округ бойынша ірі қара шығыны бірнеше жүзден асқаны анық», – деді ол.