Меншікті өндіріс
Біз әлеуметтік желілердеміз
9 млн теңгенің азық-түлігін ұрлаған сержант сотталды
26.02.2020 14:53
Әскери қызметкер "есептен шығарылды" деп әріптестеріне сатқан
ptzgovorit.ru
Семей гарнизонының әскери соты азық-түлік қоймасынан бір жылға жуық уақыт бойы азық-түлік ұрлаған сержантқа қатысты үкім шығарды, деп хабарлайды Stan.kz.
"Сот барысында әскери бөлімнің азық-түлік қызмет қоймасының бастығы 2018 жылдың қыркүйегінен 2019 жылдың мамырына дейінгі аралықтағы 3 900 азық-түлік жиынтығын жымқырғаны анықталған. Оны "есептен шығарылды" деп әріптестеріне сатқан. Осылайша қоймадан 8 951 022 теңгенің өнімі қолды болған", - деп хабарлады соттың баспасөз қызметі.
Сот барысында тараптар процессуалды келісімге келген.
Ал ұрлық жасаған әскери қызметшінің 3 жыл 6 айға бас бостандығы шектелді. Сондай-ақ, ол "сержант" әскери шенінен айырылды.