Маңғыстауда жарылыс болды

elements.envato.com

Газ құбыры желісінде өрт шыққан

Маңғыстау облысында газ құбыры желісінде өрт шығып, жарылыс болды, деп хабарлайды Almaty.tv.

Оқыс оқиға аудан аумағында «ИнтергазОрталықАзия» АҚ-ның САЦ-4 магистральді газ құбырында болды. Бұл туралы өңірдің төтенше жағдайлар департаменті мәлімдеді.

«18 наурызда түнгі сағат 23:00 минут шамасында Бейнеу ауылындағы «ИнтергазОрталықАзия» АҚ-ның САЦ-4 магистральді газ құбырының поршеньді жіберу торабында өрт шығып, жарылыс болды. Оқиғадан зардап шеккендер жоқ. Өрт толықтай сөндірілді. Қазіргі таңда жарылыстың себебі анықталып жатыр», - деді Маңғыстау облыстық ТЖД-нің баспасөз қызметі.

Оқи отырыңыз: Ақтөбеде тағы бір жолды су шайып кетті