СҚО-да газ баллоны жарылып, ер адам көз жұмды

Солтүстік Қазақстан облысының Тайынша қаласында газ баллонының дұрыс жұмыс істемеуі салдарынан оқыс оқиға болды, деп хабарлайды Almaty.tv тілшісі Petropavlovsk.news-ке сілтеме жасап.

Оқиға 6 желтоқсанда болған. Қайғылы оқиғаға дейін үй иесі жылыту үшін үйге газ баллоны әкелген.

"Жылы жерде баллон кеңейіп, газ-ауа қоспасы жарылып, содан кейін өрт шықты. Өрт салдарынан тұрғын үйге механикалық зақым келді. Ғимараттың 36 жастағы иесі ауруханаға жатқызылды. Ер адамның денесі 60 пайыз күйіп қалған. Дүйсенбі, 12 желтоқсанда алған жарақаттарынан зардап шеккен адам медициналық мекемеде қайтыс болды", - деді Мемлекеттік өрт бақылау басқармасы бастығының уақытша міндетін атқарушы Айдар Мұсатаев.

Солтүстік Қазақстан облысында соңғы бір аптада 25 өрт оқиғасы болғаны хабарланды. Өрт үш адамның өмірін қиған. Облыстың төрт тұрғыны әртүрлі ауырлықтағы дене жарақаттарын алған.