Алматыда жоғалған 9 жастағы бала табылды

02.09.2020 19:42

Месут Мырзақұлов анасына тапсырылды, ол ұлын әрі қарай да мұқият қадағалап отыруға уәде берді

polisia.kz


Алматыда жоғалған 9 жастағы бала табылды, деп хабарлайды Almaty.tv тілшісі Алматы қалалық полиция Департаменті Баспасөз қызметіне сілтеме жасап.

Алматы қалалық полиция Департаменті 9 жасар Месут Мырзақұловты іздеудің егжей-тегжейін хабарлады.

«Баланың бұрын көрші тұрған досына қонаққа барғандығы анықталды.  Месут досының атасы мен әжесіне анасының рұқсатымен келгендігін айтты, содан кейін бала түнеуді өтінді.  Кеш батқандықтан, Месут досының үйінде қалды.  Осы жерден бала табылды.  Бақытымызға орай, ол аман-сау.  Баланың іс-әрекетін балалық еркелікке балауымызға болады,  дегенмен біз оның жоғалып кетуіне қатты алаңдадық.  Іздестіру топтары мен кинологтар баланы түні бойы іздеді.  Таңертең еріктілер мен мұғалімдерді қостық.  Өз кезегімізде біз, баланы табуға көмектескендердің барлығына алғысымызды білдіреміз.  Бірлескен күш-жігермен - бұл оқиға бақытты аяқталды», – деді Алматы қалалық полиция Департаменті бастығының бірінші орынбасары, полиция полковнигі Нұрлан Алмасбеков.

Месут Мырзақұлов анасына тапсырылды, ол ұлын әрі қарай да мұқият қадағалап отыруға уәде берді.  Месуттардың отбасында екі бала.  Оның өсіп келе жатқан кішкентай сіңлісі бар.
«Естеріңізге сала кетейік, анасы Месут Мырзақұловтың жоғалып кетуі туралы түн ортасында мәлімдеме жасаған.  Баланы іздеуге біз бірден итпен жұмыс жасайтын кинологтарды, Ұлттық гвардияның 100 жауынгерін, жедел әрекет ететін арнайы жасақтың 20 қызметкерін, ювеналды полицияның 50 инспекторы мен аудандық деңгейдегі учаскелік полиция инспекторларын, қалалық криминалдық полицияның 40 жедел уәкілін, 20 ерікті және Месут оқитын мектептің 5 мұғалімін қатыстырдық. Сонымен қатар, қараусыз қалған ғимараттарды мобильді топтар тексерді.  Олар таулардағы жетуге қиын жерлерді метр-метрмен қарап шықты.  Біз бұқаралық ақпарат құралдары мен әлеуметтік желілер арқылы да халықты байланыстырдық», – делінген хабарламада.


Теги: Алматы қаласы бала жоғалуы полиция қызметкерлері оқиға іздеу
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Елімізде 7 мыңға жуық науқас коронавирустан емделіп жатыр