Мегаполисте "Алмалы" базарынан өрт шықты

26 тамызда таңертең "Алмалы" базарындағы контейнерлер отқа оранды, деп хабарлайды Almaty.tv тілшісі Zakon.kz-ке сілтеме жасап.

Алматы қалалық ТЖД мәліметінше, өрттің ауданы 80 шаршы метрді құрайды.

"Сағат 08:37-де өрт сөндірушілер Жетісу ауданы, "Алмалы" базарында жалпы алаңы 80 шаршы метрді құраған контейнерлердегі өртті сөндірді", - деп хабарлады Алматы қалалық ТЖД.

Қабылданған шаралардың арқасында өрт сөндірушілер өрттің жақын маңдағы сауда нүктелеріне таралуын болдырмады. Құрбандар мен зардап шеккендер жоқ.