Шымкент зообағында жас жігіт жирафқа мініп алды (видео)

Шымкент қаласындағы зообаққа келген жас жігіт жирафқа мініп алды.

Тәртіп бұзушының бұл әрекеті видеоға түсіп қалған. Жас жігіт зообаққа қыздармен бірге келіп, экзотикалық жануарды сынап көргісі келіпті, деп жазды Sputnik.

Тыйым салынғанына қарамастан ол момын жануарды өзіне шақырып, үш метрлік дуалға шықты да, жирафқа мініп алды.

«Шабандоздың» видеосы әлеуметтік желіде жарияланды. Осыған орай Шымкент зообағы жасаған мәлімдемеге сүйенсек, оқиға 27 шілде сенбі күні болыпты.

«Бәлкім, жігіт пен қасындағы қыздар мас болған шығар. Бұл адам зообақ аумағында жүру ережесін бұзды. Ол жайында мекеменің радио желісі әр 15 минут сайын хабарлап отырады», – деп атап өтті зообақ басшылығы.

Зообақ әкімшілігі тәртіпбұзушыны жауапкершілікке тарту үшін полицияға арыз берді.

Посмотреть эту публикацию в Instagram

Публикация от Туркестан | Түркістан (@turkestan_today) 27 Июл 2019 в 4:47 PDT