Атырау облысында 3-қабаттан секірмек болған 70 жастағы ер адам құтқарылды

Атырау облысында үшінші қабаттан секірмек болған 70 жастағы ер адамды полицейлер құтқарып қалды, деп хабарлайды Almaty.tv тілшісі Polisia.kz-ке сілтеме жасап.

21 мамыр күні сағат 14:00 шамасында Нұрсая мөлтек ауданындағы көпқабатты үйлердің бірінің 3-қабатында белгісіз егде жастағы ер адамның балконнан аяғын шығарып тұрғандығы жөнінде 102 арнасына хабарлама түскен.

Хабарламаға дер кезінде учаскелік полиция инспекторлары Серік Жұмырғожиев пен Аслан Аманғалиев барып, 70 жастағы ер адамды құтқарып қалды. Қазіргі уақытта егда жастағы ер адамның үйде кілттеніп қалғаны және жалғыз болғандығы анықталды.