Меншікті өндіріс
Біз әлеуметтік желілердеміз
Елу жастағы әйел балаларды алдап, үй тонаған
Баласы бар пәтерлерді арнайы іздеп, ната-анасының досымын деп таныстырған
Павлодар облысының тұрғыны Нұр-Сұлтанда балаларды алдап, пәтер тонаумен айналысқан, - деп хабарлайды Tengrinews.kz елордалық ПД баспасөз қызметіне сілтеме жасап.
50 жастағы әйелдің баласы бар пәтерлерді арнайы іздегені айтылады. Сосын ол есігін қағып, ата-анасының досымын деп танысып, құнды заттарды ұрлаған.
«8 қаңтарда Нұр-Сұлтан қалалық департаменті қызметкерлері соттылығы бар күдіктіні ұстады. Әйел осыған ұқсас ұрлық қылмысымен бірнеше рет ұсталған. Қазіргі уақытта ҚР Қылмыстық кодексінің 188-бабы бойынша соталды тергеу жүріп жатыр», - делінген хабарламада.
Полицейлер күдіктінің алаяқтығынан зардап шеккен тұрғындарды 8 (7172) 71-60-28, 71-60-69, 102 телефоны арқылы хабарласуды сұрады.