Еліміздің 9 өңірінде дауылды ескерту жарияланды, деп хабарлайды Almaty.tv.
«Қазгидрометтің» хабарлауынша, жауын-шашынға байланысты Түркістан мен Алматы облысының таулы аудандарында, сондай-ақ Алматы қаласына іргелес аумақтарда беткейлік ағынның қалыптасуы және өзендердегі су деңгейінің көтерілуі мүмкін.
Бүгін Шымкент қаласында, Ақмола, Қостанай, Қызылорда, Маңғыстау облыстарында найзағай, бұршақ жауады деп болжануда. Желдің екпіні секундына 15-20 метрге дейін жетуі мүмкін. Төтенше жағдайлар комитеті азаматтарды ауа-райының өзгеруіне байланысты, тиісті сақтық шараларын сақтауды ескертеді.
