Өрт Қарағанды облысы Шахтинск қаласының маңында орналасқан көмір шахтасында, 100 метр тереңдікте болды, деп хабарлайды Sputnik төтенше жағдайлар комитетіне сілтеме жасап.
"Өрт кезінде шахтада 116 адам болған. Олар сыртқа эвакуацияланды", - деп хабарлады Қазақстан ішкі істер министрлігінің төтенше жағдайлар комитеті.
Оқиға 15 ақпан күні сағат 21:30-да тіркелген. Тілсіз жаумен күресуге өрт сөндіру қызметінің 60 қызметкері мен 6 техникасы жұмылдырылған. Шахта "АрселорМитталТеміртау" АҚ-қа тиесілі.
