"Дүкен жанып кетті": Алматыда алапат өрт болды

Өрт Алматыдағы Шевченко – Радостовец көшелерінің қиылысында болды.

Оңтүстік мегаполисте электр құралдарының дүкені тып-типыл жанып кетті.

Өрт сөндірушілер жақын маңдағы дәмхана мен мемлекеттік емхананы қызыл жалыннан аман алып қалды.

Алдын ала мәлімет бойынша, өрттің жалпы аумағы 400 шаршы метрге жуықтаған. Қаза болғандар мен зардап шеккендер жоқ.

Өрттің себептерін Алматы қалалық Төтенше жағдайлар департаментінің мамандары анықтап жатыр.

Бұған дейін Алматыда ерекше жануарларға арналған баспана басшысының үйі өртенгені туралы хабарланған болатын. Жеке үйде болған жантүршігерлік өртте сегіз жануар өлді.

Sputnik.