Меншікті өндіріс
Біз әлеуметтік желілердеміз
Батыс Қазақстанда тоқ соққан екі бала ауыр халде ауруханаға жеткізілді
Оқиға Жаңақала ауданы Жаңақазан ауылында болған
Батыс Қазақстан облысында тоқ соққан екі бала ауруханаға түсті, деп хабарлайды Almaty.tv тілшісі ҚазАқпаратқа сілтеме жасап.
БҚО ТЖ департаментінің баспасөз қызметінен түскен мәліметке қарағанда, бірінші оқиға 24 мамыр күні сағат 13.55-те Жаңақала ауданы Жаңақазан ауылында болған.
«Төрт бала ойнап жүріп, қосалқы станцияның қоршалған жабық аумағына кірген. Сол кезде бес жасар ұл баланы тоқ соққан. Аудандық ауруханаға жатқызылған оның жағдайы ауыр», - делінген хабарламада.
Екінші оқиға 24 мамыр күні сағат 11.00-де Казталов ауданы Бостандық ауылдық округі Ақсуат қыстағында болды.
«Ата-анасының қарауынсыз қалған алты жасар ұл бала трансформаторға (380 Вт) қолын тигізген. Соның салдарынан 2-3 дәрежелі күйік жарақатын алып, аудандық ауруханаға жатқызылды. Жағдайы орташа», - делінген хабарламада.
БҚО денсаулық сақтау басқармасының баспасөз хатшысы Айнагүл Сақпосынованың нақтылауынша, Жаңақазан ауылында тоқ соққан баланың екі қолы күнген. Жағдайы өте ауыр. Қаладан кеше санавиация барды.