Қызыл жалын бүгін түнде Жұлдыз көшесінде тұтанған. Төтеншеліктер өртке оранған қос қабатты ғимаратты бір жарым сағаттан астам уақытта өшірген. Оқиға орнына жедел жеткен мамандар 15 техниканың күшімен тілсіз жауды ауыздықтады, деп хабарлайды Almaty.tv тілшісі.
Ағаштан тұрғызылған нысанның қасында тағы 2 ғимаратқа өртену қаупі төнген. Төтенше жағдайлар департаменті таратқан мәлімет бойынша, өрт болған жерде гидранттар жоқ. Сондықтан су тасығыш көліктермен су тасуға мәжбүр болған. Қызыл жалын түнгі 2.00-ден 45 минут кеткенде толық сөндірілді. Зардап шеккендер жоқ.
