Меншікті өндіріс
Біз әлеуметтік желілердеміз
Жетісу облысында жедел жәрдем көлігі апатқа ұшырап, екі адам мерт болды
Сотқа дейінгі тергеу амалдары басталды
Жетісу облысында жедел жәрдем көлігі жол жиегінде тұрған жүк көлігіне соғылып, екі адам қаза тапты, деп хабарлайды Almaty.tv тілшісі Polisia.kz-ке сілтеме жасап.
Жетісу полициясының мәліметінше, Ақсу ауданында жергілікті маңызы бар Көлтабан-Матай тасжолында жедел жәрдем машинасы мен «Урал» жүк көлігі соқтығысты. Жол апатынан екі адам қаза тапты.
«Жол-көлік оқиғасына жедел жәрдем машинасының 57 жастағы жүргізушісі кінәлі екендігі алдын ала анықталды, ол рөлге ие бола алмай қалып, жол жиегінде тұрған жүк көлігіне соғылған. Апат салдарынан жедел-жәрдем машинасының жүргізушісі мен 54 жастағы жергілікті фельдшер оқиға орнында қайтыс болды. Аталған факт бойынша қажетті сараптамалар тағайындалып, сотқа дейінгі тергеу амалдары басталды»,- деп хабарлады полициядан.