Павлодарда бүлдіршін 5-қабаттан құлап мерт болды

Павлодарда 4 жасар қыз бесінші қабаттан құлап мерт болды, деп хабарлайды Almaty.tv.

Облыстық полиция департаменті баспасөз қызметінің мәліметінше, 2023 жылғы 10 тамызда сағат 22:35-те Ак.Шөкин көшесіндегі үйде 2019 жылы туған қыз бесінші қабатта орналасқан пәтердің терезесінен құлап кеткен.

«Бала алған жарақаттарынан ауруханада қайтыс болды. Аталған факті тіркелді. Сот-медициналық сараптама тағайындалды», – деді департаментте.

Полиция департаментінде қауіпсіздік шаралары туралы еске салады. Терезелерді ашық қалдырмауға, металл торлар орнатуға, баланы тіпті қысқа мерзімге де қараусыз қалдырмауға кеңес береді.

Оқи отырыңыз: Астаналық әйел балаларымен бірге терезеден секірмек болған