Меншікті өндіріс
Біз әлеуметтік желілердеміз
Әйелдерді ұрып-соғуды қолдаған оқытушы жұмыстан шығарылды
Еуразия ұлттық университетінің оқытушысы өзін «исламист, ұлтшыл, жидофобпын» деп атаған
Л. Н. Гумилев атындағы Еуразия ұлттық университеті әйелдерді ұрып-соғу туралы атышулы пікір жазған оқытушыны жұмыстан шығарды, деп хабарлайды Almaty.tv ҚазАқпаратқа сілтеме жасап.
Бұған дейін әлеуметтік желіде Е. Сүлейменов есімді қолданушы әйелдерді ұру керектігін жазып, өзін исламист, ұлтшыл, жидофоб деп атаған. Кейінірек оның Еуразия ұлттық университетінің оқытушысы екені анықталды.
«Университет Е. Сүлейменовке қатысты тексеру жұмыстарын қорытындылады. Этика жөніндегі комиссия оның іс-әрекетін жалпыадамзаттық әдеп нормаларына сай келмейді деп бағалады. Аталған комиссия ұсынымымен Е. Сүлейменовпен еңбек келісімшартын бұзу туралы ректор бұйрығы шықты», - деп жазды ЕҰУ баспасөз қызметі.