Ақтауда жүргізуші бекетте тұрған полицейді қағып кеткен

Ақтауда жүргізуші бекетте тұрған полицейді қағып кетті, деп хабарлайды tengrinews.kz.

Басылымның мәліметінше, бұл оқиға 22 сәуірде "Достық" сауда үйінің маңында болған.

Куәгерлердің айтуынша, жол апатынан полицей зардап шекті. Ол Маңғыстау облыстық аурухананың травматология бөліміне жеткізілген.

Өңрілік полиция департаментіндегілер полицейді қағып кеткен Toyota Hilux жүргізушісінің ұсталғанын айтты.

"Шамамен сағат 21.15-те 26-ықшамауданда "Достық" сауда үйінің маңында 54 жастағы жүргізуші бекетте тұрған полицейді қағып кетті. Жол апаты салдарынан полицейлер жеңіл деңгейдегі жарақат алды. Жүргізуші оқиға орнында ұсталды. Оған қатысты екі әкімшілік хаттама толтырылды", - дейді өңірлік полицейлер.