Алматыда тұрғындарды 400 миллион теңгеге алдаған алаяқ ұсталды

Алматы полициясы азаматтарды 400 миллион теңгеден астам соммаға алдап соққан адамды ұстады, деп хабарлайды Almaty.tv тілшісі Polisia.kz-ке сілтеме жасап.

Алматы қалалық Полиция департаментінің Тергеу басқармасы 1977 жылы туған, Шығыс Қазақстан обласының тумасына қатысты сотқа дейінгі тергеуді жүргізуде, ол 2014 жылдан бастап қазіргі уақытқа дейін, Алматы қаласының аумағында жүріп, “Хан Тенгри” тұрғын үй кешенінен “жалға берілетін тұрғын үй” мемлекеттік бағдарламасы бойынша тұрғын үй алу, сондай-ақ, жер учаскелері мен қамауға алынған көлік құралдарын электрондық саудадан алып беремін деп сылтауратып, бірқатар жәбірленушілерді алдау және сеніміне қиянат жасау арқылы, олардың қаражаттарын ірі көлемде иемденіп, 400 миллион теңгеден астам материалдық шығын келтірді. 

«Аталған факті бойынша ҚР ҚК-нің 190-бабы 4-бөлігі, 2-тармағына сәйкес қылмыстық құқық бұзушылық белгілері бойынша сотқа дейінгі тергеу басталды. Ол Қазақстан Республикасының Қылмыстық іс жүргізу кодексінің 128-131 баптарына сәйкес уақытша ұстау изоляторына қамалды. Алматы қаласының мамандандырылған ауданаралық тергеу соты күдіктіге қатысты қамауға алу түріндегі бұлтартпау шарасын таңдады. Қазіргі уақытта тергеу амалдары жалғасуда. Сонымен қатар, біз азаматтарға күдіктінің заңсыз әрекеттері салдарынан зардап шеккендерді мына мекен-жайға жүгінуге шақырамыз: Алматы қ., Масанчи к-сі, 55 үй, Алматы қаласы ПД ТБ ОРППОП ішкі істер органдарының аға тергеушісі, полиция майоры  И.Г.Литвиненко ж.т. 261-84-90, 254-40-59 және 8-775-284-55-56», – деп хабарлады Алматы қаласы ПД Тергеу басқармасы бөлімінің бастығы Әділ Салаев.