Ұлытау облысында жолаушылар пойызы 6 жылқыны қағып кетті, деп хабарлайды Almaty.tv тілшісі Polisia.kz-ке сілтеме жасап.
4 ақпан Манадыр-Жомарт аралығында Алматы-Жезқазған жолаушылар пойызының машинисі теміржол жолында жайылып жүрген жылқыларды байқап, соқтығысуды болдырмауға тырысып, шұғыл тежеуді қолданғаны туралы хабарлаған. Бірақ соқтығысудың алдын алу мүмкін болмады. Салдарынан пойыз 6 жылқыны қағып кетті.
Жоспарсыз пойыз тұрағы 8 минутты құрады.
Аталған факті бойынша оқиға орнына жедел-тергеу тобы барды. Үй жануарларының иесі болып табылатын 59 жастағы жергілікті тұрғын анықталды.
Ер адамға қатысты ҚР ӘҚБтК-нің 559-бабының 1-бөлігі “Темiржолдардың бөлінген жолағында мал жаю қағидаларын бұзу” бойынша әкімшілік хаттама толтырылып, 5 АЕК мөлшерінде айыппұл салынды.