Меншікті өндіріс
Біз әлеуметтік желілердеміз
Оралда төрт қабатты үй өртенді
13 адам эвакуацияланды
Оралда тұрғын үйдің төбесі өртеніп, 13 адам эвакуацияланды, деп хабарлайды ҚазАқпарат.
БҚО ТЖ департаментінің баспасөз қызметінен түскен мәліметке қарағанда, 9 қараша күні сағат 14.14-те Н.Назарбаев даңғылы 232 мекенжайында төрт қабатты үйдің төбесі жанған.
Аумағы 25 шаршы метрді құраған өрт 14.42-де оқшауланып, 15.00-де сөндірілді. Тұрғын үйден 13 адам шығарылса, соның екеуі – балалар.
"Тілсіз жауды ауыздықтауға және адамдарды эвакуациялауға 17 қызметкер, 5 техника, полициядан 4 қызметкер, 2 техника жұмылдырылды", - делінген хабарламада.
Айта кетейік, кеше сағат 21.23-те Бөрлі ауданы Приурал ауылында тұрғын үй ауласында 20 тонна пішен жанып кетті. Өрт бүгін 00.31-де оқшауланып, 02.52-де сөндірілді.