Меншікті өндіріс
Біз әлеуметтік желілердеміз
Шымкентте дене шынықтыру сабағынан кейін оқушы көз жұмды
Ол жүрек ақауынан көз жұмған
Шымкентте 7-сынып оқушысы көз жұмды. Бұл туралы Шымкент қаласы Білім беру басқармасының басшысы Жанат Тажиева айтты, деп хабарлайды Almaty.tv тілшісі Оtyrar.kz сайтына сілтеме жасап.
"Мектеп директорының сөзінше, 7-сынып оқушысы 19 қараша күні дене шынықтыру сабағында өзін нашар сезінген. Дене шынықтыру пәнінің мұғалімі жасөспірімді мектептің медбикесіне алып барды. Медбике оны тексеріп, жедел жәрдем шақырған. Анасына дереу хабар берілді", – деді Жанат Тәжиева.
Жедел жәрдем жасөспірімді ауруханаға алып кетті. Ол жансақтау бөліміне түскен. 20 қарашада таңертең анасы ұлының көз жұмғанын айтты.
Жанат Тәжиеваның айтуынша, жасөспірім дарынды балаларға арналған № 1 лицей-интернатының 7-сыныбында білім алған. Ол жүрек ақауынан көз жұмған.