Меншікті өндіріс
Біз әлеуметтік желілердеміз
Алматы облысында көлік қаққан 8 жасар оқушы көз жұмды
14.09.2021 18:15
Қайғылы жағдай Іле ауданында болған
Фото: ашық дереккөзден
Алматы облысында 8 жасар оқушыны көлік қағып, мерт қылды. Қайғылы жағдай Іле ауданында болған, деп хабарлайды Almaty.tv тілшісі ҚазАқпаратқа сілтеме жасап.
«10 қыркүйек күні кешкі сағат 18:10 шамасында Іле ауданында 8 жастағы баланы көлік қағып кетті. Ол ауруханаға жетпей көз жұмды»,– деп пікір білдірді Алматы облыстық полиция департаментінің баспасөз қызметінен.
Ведомствоның ақпаратына сәйкес, «Toyota» көлігінің 23 жастағы жүргізушісі «Қосөзен-Шелекемер» жолында 8 жасар жаяу жүргіншіні қағып кеткен. Қазір аталған факті негізінде ҚР ҚК 345-бабы 3-бөлігі бойынша сотқа дейінгі тергеу басталды. Қажетті сараптамалар тағайындалған.