Нұр-Сұлтанда автобус пен тепловоз соғысып қалды

Нұр-Сұлтанда қоғамдық көлік тепловозбен соқтығысты,  деп хабарлайды Tengrinews.kz.  

Оқиға 13 қыркүйекте таңғы уақытта болған, алайда ЖКО видеосы желіде бүгін жарияланды.  

«Пушкин көшесінің бағытында Жетіген көшесінің бойында № 53 бағытта жүретін автобус пен тепловоз соқтығысты. Оқиға орнына келген жергілікті полиция қызметінің мамандары қоғамдық көлік жүргізушісіне қатысты әкімшілік хаттама толтырды», – деді «Астана LRT» компаниясының қоғаммен байланыс қызметінің басшысы Науат Азанбаева.

«Автобуста жолаушылар болмаған. Автобус жүргізушісі соңғы аялдамадан жаңа рейске шығып жатқан», – дейді ол.

Оқиғадан кейін жүргізуші жұмыстан шеттетілді, тексеру жүріп жатыр.