Танымал опера әншісі Павлодар облысында жол апатына ұшырады

Қазақстандық опера әншісі Мария Мудряк отбасымен бірге Павлодарға барар жолда жол апатына түсті, деп хабарлайды Almaty.tv.

Жол көктайғақ болғандықтан, көлік екі рет аударылып, жолдың жиегіне ұшып кеткен. Әншінің айтуынша, өтіп бара жатқан көліктердің бәрі көмектесу үшін тоқтап, қол ұшын берген.

«15 адам құтқаруға тырысты! Мен олардың есімдерін білмеймін , бірақ мұндай қамқор жандар бар кезде әлем өмір сүре бермек! Міне, біздің қазақстандықтар осындай! Барлығыңызға рахмет»,– деп жазды Мудряк инстаграмда.