«Самара – Шымкент» тас жолында жол апатынан 2 адам көз жұмды

«Самара – Шымкент» тас жолында 2 көлік бетпе-бет соғылып, 2 адам оқиға орнында тіл тартпай кетті, деп хабарлайды Almaty.tv.

Одан бөлек 2 жолаушы жапа шегіп, ауруханаға жеткізілді. Жол апаты Қармақшы ауданына қарасты Төребай ауылының маңында болған. Полиция оқиғаға қатысты сотқа дейінгі тергеу жұмысын бастағанын және тиісті сараптамалар тағайындалғанын хабарлады. Қазір оқиғаның мән-жайы анықталып жатыр.

«Audi автокөлігі мен Volkswagen автокөлігі соқтығысып, жол апаты болды. Салдарынан 2 әйел адам қаза тауып, қайғылы жағдай тіркелді. Құрметті, жолаушылар, жүргізушілер, жолда жүру кезінде ережені қағидаларын қатаң сақтап, жылдамдықты асырмауларыңызды сұраймыз», – деді Қармақшы АПБ бастығының орынбасары Ақылбек Әмірбеков.