Алакөлде мас адам 7 жасар қызды таспен ұрып, жарақаттады

Алакөл жағалауында белгісіз ер адам бүтін бір отбасы отырған көлікке тас лақтырып, 7 жастағы қызды жарақаттаған, деп хабарлайды Almaty.tv тілшісі.

Жеткіншек Алматы облыстық балалар ауруханасына жатқызылды. Қазір дәрігерлердің бақылауында. Ал күдікті Жаркент қаласының 28 жастағы тұрғыны болып шықты. Ол бұл әрекетін мас күйде жасағанын айтты.

«Ұйымдастырылған жедел-іздестіру іс-шаралары барысында күдікті ұсталды. Өз айғақтарында күдікті мас күйінде болғанын түсіндірді. Іс-жүзінде қажетті сараптамалар тағайындалып, ҚР Қылмыстық кодексінің 293-бабы бойынша қылмыстық іс қозғалды», – деді Алматы облысы полиция департаментінің ресми өкілі Ернар Сайдильдин.