Меншікті өндіріс
Біз әлеуметтік желілердеміз
Ұлттық қауіпсіздік комитеті қылмыстық топтарды ұстау шарасын бастады
Арнайы операция бірнеше облыс аумағында жүргізіледі
Қазақстанда ірі ұйымдасқан қылмыстық топтарды (ҰҚТ) ауқымды түрде тұтқындау басталды, деп хабарлайды Аlmaty.tv тілшісі Zakon.kz-ке сілтеме жасап.
Ұлттық қауіпсіздік комитеті мен Ішкі істер министрлігінің қызметкерлері Бас прокуратураның келісімімен еліміздің бірнеше өңірінде тұтқындау шарасын жүргізіп жатыр.
- Жамбыл, Түркістан және Жетісу облыстарында ұстау шаралары бір мезгілде өтуде. Оқиғаға Ұлттық қауіпсіздік комитеті мен Ішкі істер министрлігінің күштері мен құралдары, сонымен қатар екі ведомствоның арнайы бөлімшелері мен техникасы жұмылған, - делінген хабарламада.
Ұлттық қауіпсіздік комитетінің мәліметінше, ұсталған қылмыстық топтар Қазақстанның Қырғызстанмен, Қытаймен және Өзбекстанмен шекаралас облыстарында, сәйкесінше Жамбыл, Түркістан және Жетісу облыстарында заңсыз әрекеттер жасаған.
Оқи отырыңыз: Биыл қанша қытайлық елден шығарылды – ІІМ