Қарағанды облысындағы мектептерде жарамдылық мерзімі 7 жыл бұрын өтіп кеткен дәрі-дәрмектер сақталып келген, деп хабарлайды Almaty.tv.
Табылған препараттардың басым көпшілігі – «Преднизолон» ампуласы. Прокурорлық тексеру барысында бұдан бөлек, оқушыларға медициналық қызметтің де уақытылы көрсетілмегені белгілі болды. Нақтырақ айтсақ, 2022 жылдан бері Қарағанды қаласының мектептерінде 3 мыңға жуық шәкірт тиесілі көмек алмаған. Қадағалау шаралары барысында аталған жайтқа кінәлі тұлғалар анықталып, 7000 баланың құқығы қорғалды.
«Мектептердің бірінің медициналық кабинетінде аллергиялық және шок реакциясының ауыр түрлерінде шұғыл емдеудің бір бөлігі ретінде қолданылатын, жарамдылық мерзімі өткен, препарат сақталған. Облыстың басқа мектептерінде жарамдылық мерзімі 7 жыл бұрын өтіп кеткен дәрілік препараттар табылды. Кінәлі тұлғалар жауапкершілікке тартылды», – деді Облыс прокурорының кәмелеттік жасқа толмағандар ісі жөніндегі аға көмекшісі Айжан Оразбекова.
