Түркістан облысында 2 жасар бала тұншығып, көз жұмды

әуесқой түсірілім

Аймақта 6 сағат бойы толассыз жауын жауды

Түркістан облысында ересектердің қарауынсыз қалған 2 жасар бала жаңбыр суына толы шұңқырға құлап, тұншығып көз жұмды, деп хабарлайды Almaty.tv.

Төтенше жағдайлар министрлігі таратқан ақпарға сай, кеше бұл өңірдегі 6 сағат бойы жауған толассыз жауын салдарынан бірнеше аудандағы 21 ауланы су басты. Қазығұрт, Бәйдібек, Сарыағаш тұрғындарының мүлкіне залал келді.

«Су сору жұмыстарына департамент және жергілікті атқарушы органдармен бірге атқарылып жатыр. Қазіргі таңда жұмыс толық аяқталды», – деді ТЖД Төтенше жағдайларды жою басқармасының бастығы Талғат Досалиев.