Атырауда ер адам көшеде әйелге пышақ сұғып алды

Әлеуметтік желіде әйелдің ер адамнан қашып бара жатқанын және ол жеткен кезде әйелге пышақ ұрғаны туралы жазып жатыр. Полиция департаментінің өкілдері бұл деректі растады, деп хабарлайды tengrinews.kz

Қазіргі уақытта әйел адам ауруханада жатыр.

«Әйелге пышақ ұрған Атырау қаласының тұрғыны ұсталды. Зардап шеккен әйел ауруханада жатыр. Әзірше оның мұндай қылмысқа неліктен барғаны белгісіз. Сотқа дейінгі тергеу шаралары ҚР Қылмыстық кодексінің 106-бабы 1-бөлігі («Денсаулыққа қасақана ауыр зиян келтiру») бойынша жүргізіліп жатыр», - делінген полиция хабарламасында.