|
Oqıǵalar
12.12.2019 | 21:25

"Жүргізуші көз жұмды": Алматы маңында жол апаты болды

Көлік ағашқа бірнеше рет соғылып, құзға ілінген күйі қалған

"Жүргізуші көз жұмды": Алматы маңында жол апаты болды zakon.kz

Алматы облысы Іле ауданының Өтеген батыр ауылы маңында адам өліміне әкеліп соққан жол апаты болды, деп хабарлайды zakon.kz.

Жол апаты Қапшағай тас жолынан ауылға қарай бет алатын Батталханов көшесі бойында сағат 11.00 шамасында болған. Кілт бұрылыста Toyota Windom жүргізушісі рөлді басқара алмай, жолдың жиегіне ұшып кеткен. Көлік ағашқа бірнеше рет соғылып, құзға ілінген күйі қалған.

Негізгі соққы жүргізуші тұсқа келген. Әбден жаншылған жүргізуші дәрігерлер келгенге дейін қайтыс болды.

Барлық жағдайды Алматы облысының жол полициясы анықтап жатыр.

‡агрузка...