Қоймада газ баллон жарылып, 80 метр аумақ жанып кетті

Алматыда газ баллоны жарылып, қойма өртенді. Кеше кешкі сағат 19:30 шамасында болған апатты оқиға желісі өрт сөндіру көлігінің видео тіркеуішіне түсіп қалған. Қалалық ТЖД-нің мәліметінше, алғашқы өрт сөндірушілер 6 минутта жеткен, деп хабарлайды Almaty.tv.

Айта кетейік, баллонның жарылуы салдарынан қойманың 80 метр аумағы жанып кетті. 

«Жанып жатқан қоймадан 50 және 25 литрлік 11 газ баллоны сыртқа шығарылды. Қызыл жалын толығымен сағат 20.05-те ауыздықталды. Зардап шеккендер мен қаза тапқандар жоқ. Өртті сөндіруге 18 бірлік техника, жеке құрамның 50 қызметкері жұмылдырылды», – деді Алматы қаласы ТЖД баспасөз қызметінің ресми өкілі Гүлдана Нұрымбетова.