Ақмола және Қарағанды облыстарында киіктерді жаппай атқан деген күдіктілер ұсталды, деп хабарлайды Tengrinews.kz ІІМ баспасөз қызметіне сілтеме жасап.
17 наурызда мүйіздері кесілген жүздеген жануар денесі табылды. Осы дерек бойынша сотқа дейінгі тергеу басталды және аса тәжірибелі қызметкерлер, табиғат қорғау полициясы қызметкерлері мен кинологтар қатарынан арнайы жедел-тергеу тобы құрылды.
«Киіктерді жаппай атуға күдікті ретінде полиция қызметкерлері бір топ адамды, соның ішінде ауыл шаруашылығы министрлігінің «Охотзоопром» РМҚК инспекторын ұстады. Күдіктілерге қатысты сот «күзетпен ұстау» бұлтартпау шарасын санкцияланды. Браконьерлікке қатысы бар күдіктілерді тінту барысында қылмыс құралдары, сондай-ақ киіктердің мүйіздері тәркіленді», - деді Қазақстан Ішкі істер министрлігі баспасөз қызметінің өкілдері.
