Меншікті өндіріс
Біз әлеуметтік желілердеміз
Талғарда өртенген үйден 35 адам қауіпсіз жерге шығарылды
06.02.2019 20:39
Талғарда өртенген үйден 35 адам қауіпсіз жерге шығарылды. Бұл туралы ҚР ІІМ Төтенше жағдайлар комитетінің ресми өкілі Нұрсұлтан Нұрахметов айтты, деп хабарлайды ҚазАқпарат.
«6 ақпан күні сағат 12:33-те өртке қарсы қызмет пультіне Алматы облысына қарасты Талғар ауданының Талғар қаласында 5 қабатты үйден өрт шыққандығы туралы хабар түсті. Екінші қабаттағы балкон өртеніп, өрт 3 және 4 қабаттардың балконына тараған. Жалын шарпыған аумақ 35 шаршы метрді құрайды. Өрт сөндірушілер 35 адамды, оның ішінде 12 баланы қауіпсіз жерге шығарып, бір адамды құтқарды», - деді ресми өкіл.
Оның дерегінше, тілсіз жаумен күреске Алматы облыстық ТЖД жеке құрамының 10 маманы мен 3 техникасы жұмылдырылған.