Меншікті өндіріс
Біз әлеуметтік желілердеміз
ШҚО-да өртенген үйден әйелдің денесі табылды
15.01.2024 20:43
Алдын ала дерек бойынша оттың шығуына төсекте жатып темекі шегу себеп болған
elements.envato.com
Шығыс Қазақстан облысында отқа оранған үйден 31 жастағы әйелдің денесі табылды, деп хабарлайды Almaty.tv.
Облыстық Төтенше жағдайлар департаменті баспасөз қызметінің мәліметіне сүйенсек, оқиға 14 қаңтарда Глубокое ауданы Белоусовка кентінде болған.
«Пушкин көшесінде орналасқан жер үйдеy өрт шықты. Бөлмелердің бірінде жиһаз, тұрмыстық техника мен заттар жанған. Тілсіз жау шарпыған жалпы аудан 16 шаршы метрді құрады. Барлау барысында құтқарушылар дәлізден 31 жастағы әйел адамның денесін тапты», - делінген ақпаратта.
Көп ұзамай жалын толықтай ауыздықталды. Алдын ала дерек бойынша оттың шығуына – төсекте жатып темекі шегу себеп болған.