Меншікті өндіріс
Біз әлеуметтік желілердеміз
Әуежайдың ұшу-қону жолағында ұшақ пен жеңіл көлік соқтығысты
Ұшақ бортында «Қайрат» клубының футболшылары мен жаттықтырушылар штабы болған
Бүгін Алматы әуежайында ұшақ пен көлік соқтығысты, деп хабарлайды Almaty.tv тілшісі.
Әлеуметтік желілерде халықаралық әуежайдың ұшу-қону жолағында болған оқыс оқиғаның видеосы тарап кетті. Кадрлардан жеңіл автокөліктің ұшақ қанатының астында қалғанын байқауға болады.
Әуе кемесінде Бакуден келген жолаушылар болған. Абырой болғанда, зардап шеккендер жоқ.
«14-ші тұрақ орнында әуе кемесі мен әуежай қызметтерінің бірінің автокөлігімен соқтығысқанын растайды. Ұшақ Flejet.kz компаниясына тиесілі», – деді Алматы халықаралық әуежайы баспасөз қызметінің басшысы Найля Жабагина.
Айта кетейік, ұшақ бортында «Қайрат» клубының футболшылары мен жаттықтырушылар штабы болған. Қазіргі уақытта сотқа дейінгі тергеу жұмыстары басталды.