Ақтөбеде 16 жастағы қыз жоғалып кетті

25 мамыр күні сағат 11-00-де отбасылық жанжалдан кейін үйден шығып кетіп, колледждің 1 курс студенті 16 жастағы қыз қайтып оралмаған, деп хабарлайды Polisia.kz.

Полицияға «102» телефонына 1972 жылы туған қыздың әкесі жүгінді. Әкесі 2003 жылы туған, Ақтөбе мұнай және газ колледжінің 1 курс студенті Батима Амандықтың 25 мамыр күні сағат 11-00-де отбасылық жанжалдан кейін үйден кетіп, оралмағанын айтты.

«Белгілері: бойы 155-160 см, орта денелі, ұзын шашы қоңыр түсті, бетінде секпілдер бар; үстіне қара түсті футболка, ашық көк түсті джинсы шалбар, аяғына ақ түсті кроссовка киген. Өзімен бірге ұялы телефоны болған жоқ. Үйден бұрын-соңды кетіп көрмеген», - делінген хабарламада.

Жоғалған қыз туралы ақпаратты білетін тұрғындарды 8776 546 66 66 немесе «102» телефоны арқылы хабарлауыңызды сұраймыз.