Батыс Қазақстан облысында жасөспірім Жайық өзеніне батып кетті, деп хабарлайды Almaty.tv БҚО ТЖ департаментінің баспасөз қызметіне сілтеме жасап.
Оқиға 28 мамыр күні Ақжайық ауданы Алмалы ауылында болған.
"Сағат 18.00-де ауылдан 3 шақырым жердегі Жайық өзенінде шомылуға тыйым салынған жерде алдағы айда 15 жасқа толатын ер бала батып кетті.
Кешеден бері іздестіру жұмыстары жүргізіліп, марқұмның денесі 29 мамыр күні сағат 07.00-де оқиға болған жерден 50-60 шақырым қашықтан табылып, судан шығарылды", - делінген хабарламада.
Бұл – биылғы осындай бірінші оқиға. Өткен жылы облыста 24 адам суға кетсе, соның 8-і балалар еді.
