Бір тәулікте Астана жолдарында 181 жол-көлік оқиғасы тіркелді

Астана қаласының полиция департаменті күн райына байланысты жолдағы қозғалыс қауіпсіздігіне сақ болуды ескертеді, деп хабарлайды Almaty.tv тілшісі ҚазАқпаратқа сілтеме жасап.

Тек кейінгі бір тәулікте шамамен 181 материалдық шығын келтірілген жол-көлік оқиғасы тіркелген.

Жолды кесіп өтуде ережені сақтамаған 11 жаяу жүргіншіні көлік қағып, олар жарақаттанды.

"Жыл басынан бері жол-көлік оқиғаларынан 3 адам қаза тауып, 39 адам түрлі дәрежеде жарақат алды. 16 мыңнан астам жол қозғалысы ережелерін бұзудың жолын кесті, 213 мас жүргізуші ұсталды, 1 600-ден астам жаяу жүргіншіге айыппұл салынды", – дейді елордалық полицейлер.

Олардың айтуынша, мемлекеттік нөмірлері жалған 13 жүргізуші және мемлекеттік нөмірлері жоқ көлікті басқарғаны үшін 86 жүргізуші ұсталған.