Шымкентте газ құю бекетінде болған жарылыстан ауыр жарақат алған 20 жастағы қызметкердің жағдайы ауыр көрінеді. Ал желіде оқиғаны таспаға түсірген бейнекадрлар да пайда болды, деп хабарлайды Almaty.tv тілшісі.
Белгілісі, газ құю бекетінде босаған 2 бөшке алаулаған өртке ораныпты. Бірінде газ қалдықтары болған екен. Ал сәлден соң 7 және 50 текше метрлік тағы бірнеше цистерна жарылған.
Айта кетейік, осы тектес газ құю бекетінің жарылысы біраз бұрын Қызылорда облысында да орын алған еді. Құзырлы орындар өрттің шығуына тұрмыста пайдаланатын газ баллондарын рұқсатсыз толтыру себеп болуы мүмкін деген болатын. Бүгінгі оқиғадан кейін Шымкенттік тәртіп сақшылары сотқа дейінгі тергеу амалдарын бастап кетті.
