|
30.06.2022 | 16:07
859

СҚО-да күйеуі әйелін атып өлтіріп, кейін өзіне қол жұмсады

Оқыс оқиға 27 маусым күні Айыртау ауданының Лобаново елдімекенінде таңғы сағат 5.00 шамасында болған

СҚО-да күйеуі әйелін атып өлтіріп, кейін өзіне қол жұмсады ҚазАқпарат

Солтүстік Қазақстан облысы Айыртау ауданында ерлі-зайыпты арасындағы жанжал қайғылы оқиғамен аяқталды. Күйеуі әйелін атып өлтіріп, кейін өзіне қол жұмсады, деп хабарлайды Almaty.tv.

СҚО прокуратурасының мәліметінше, оқыс оқиға 27 маусым күні Айыртау ауданының Лобаново елдімекенінде таңғы сағат 5.00 шамасында болған. Полицияға түскен шақыртудан кейін мекенжайға жедел жеткен тергеу тобы үйден зорлық-зомбылық белгілері бар екі мәйітті тапты. Біреуі 33 жастағы әйелдің, екіншісі оның 36 жастағы күйеуінің денесі болып шықты. Қайғылы оқиға жайында полицияға ерлі-зайыптының балалары хабарлаған болып шықты. Олар жанжал кезінде үйде болған. Оқиға орнынан аңшылық мылтық тәркіленді.

ҚазАқпарат мәліметінше, аталған факті ҚР ҚК 99-бабы 2-бөлігі «ауырлататын мән-жайлардағы кісі өлтіру» бойынша сотқа дейінгі тергеп-тексерулердің бірыңғай тізіміне енгізілді. Жетім қалған, кәмелет жасына толмаған үш бала Айыртау ауданының Саумалкөл ауылындағы өмірлік қиын жағдайға тап болған балаларды қолдау орталығына орналастырылды. Оқиғаның негізгі нұсқаларының бірі бойынша, 36 жастағы ауыл тұрғыны жанжал кезінде әйеліне мылтық кезеп, атқан. Оның жан тапсырғанын көргеннен кейін мылтықпен өзін-өзі өлтірген. Алайда негізгі қорытынды тергеу нәтижелерінен кейін шығарылады. Қылмыстық іс бойынша қажетті сот сараптамалары тағайындалды.

Іс бойынша барлық мән-жайларды анықтауға бағытталған қажетті тергеу әрекеттері жүргізіліп жатыр. Тергеу барысын облыс прокуратурасы бақылауға алды.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир