Оралда жантүршігерлік жол апаты болды

Оралда жол апатынан жүргізуші көз жұмды, деп хабарлайды Almaty.tv тілшісі Policia.kz-ке сілтеме жасап.

5 ақпан сағат 02:30 шамасында Орал қаласы Әбілқайырхан даңғылында Toyota Camry автокөлігін тізгіндеген 28 жастағы жігіт 33 жастағы жүргізушінің басқаруындағы Ауди-80 маркалы автокөлігіне соқтығысқан.

"Жол апаты салдарынан Audi жүргізушісі алған жарақатынан оқиға орнында көз жұмды. Toyota жүргізушісі мен 2003 жылы туған жолаушы ауруханаға жеткізілді", – делінген хабарламада.

Аталған фактіге қатысты ҚР ҚК 345-бабы 3-бөлігі бойынша сотқа дейінгі тергеу амалдары басталды.