«Денесін бөлшектеп тастаған»: Жезқазғанда ер адамның мәйіті табылды

Жезқазған қаласының маңындағы су қоймасы жағалауынан бөлшектелген ер адамның денесі табылды, деп хабарлайды ҚазАқпарат.

Жезқазған қаласы ІІД Криминалдық полиция қызметкерлері тергеу барысында қаза болған жігіттің 33 жастағы қала тұрғыны екенін анықтады.

Белгілі болғандай, Жезқазған қаласының 55 жастағы тұрғынын ұстады. Анықталғандай, қаза болған жігіт пен күдікті екеуі ішімдік ішіп отырып, жанжалдасқан. Ашуға мінген ер адам жанындағы жігітті пышақтап, денесін бірнеше бөлікке бөліп тастаған. Аталған факті бойынша ҚК-нің 99-бабының 1-бөлігімен қылмыстық іс қозғалды. Ұсталған азамат уақытша ұстау изоляторына қамалды, тиісті сараптама тағайындалды.