Түркістан облысындағы жол апатынан 3 адам қаза тапты

Түркістан облысында жол апаты болып, 3 адам қаза тапты, деп хабарлайды Almaty.tv тілшісі.

Қайғылы оқиға кеше кешкі сағат 19.00 шамасында Сарыағаш-Шымкент тасжолында болған. Ішінде 30-ға жуық адамы бар автобус қарсы жолақта келе жатқан Audi 100 маркалы автокөлікпен соқтығысқан. Салдарынан жеңіл көлік жүргізушісі мен 2 жолаушы сол жерде тіл тартпай кеткен.

«Қазіргі таңда ҚР Қылмыстық кодексінің 345-бабы, 4-бөлігімен сотқа дейінгі тергеп-тексеру амалдары жүргізіліп жатыр», – деді Патрульдік полиция батальонының кадр саясаты жөніндегі орынбасары Ержан Сәбитханұлы.