Шымкентте заңсыз алкоголь өнімін шығаратын жасырын цех анықталды

Шымкентте алкоголь өнімдерін заңсыз дайындап келген астыртын цех анықталды. Бұл туралы еліміздің қаржылық мониторинг комитеті мәлімдеді, деп хабарлайды Almaty.tv.

Тексеріс кезінде 6 мың 671 ыдыс, 18 түрлі алкоголь өнімдерінің аты жазылған қағаздар, 15 тонна спирт және сұйықтықты араластыратын арнайы құрылғы табылды. Сондай-ақ, 500-ден астам қақпақ пен 40 мың тенге көлемінде ақша тәркіленді. Осындай дайындалған өнімдер Шымкент қаласындағы бірнеше дүкендерге таратылып отырғаны да белгілі болды. Аталған факт бойынша күдіктілер анықталып, сотқа дейінгі тергеп-тексеру жұмыстары жүргізіліп жатыр.