Меншікті өндіріс
Біз әлеуметтік желілердеміз
Мемлекет басшысы Корея Президентіне көңіл айту жеделхатын жолдады
Бұған дейін хабарлағанымыздай, Сеул қаласында болған қайғылы оқиға салдарынан бір қазақстандық қыз мерт болды
Қасым-Жомарт Тоқаев Корея Республикасының Президенті Юн Сок Ëльге Сеулде болған қайғылы оқиға салдарынан көптеген адамның қаза табуына байланысты көңіл айтты, деп хабарлайды Almaty.tv тілшісі Ақордаға сілтеме жасап.
«Сеул қаласының Итэвон ауданында көптеген адамның қаза тапқаны жөніндегі суыт хабарды терең күйзеліспен қабылдадым. Қазақстан халқының және жеке өзімнің атымнан қайтыс болғандардың жақындары мен туыстарының қайғыларына ортақтасып, көңіл айтамын. Ал, жарақат алғандардың тезірек сауығып кетуіне тілектестік білдіремін. Осындай ауыр сәтте еліміздің азаматтары және өзім Корея халқының орны толмас қайғысын бөлісіп, олармен бірге екенімізді айтқым келеді», - деп жазылған жеделхатта.
Бұған дейін хабарлағанымыздай, Сеул қаласында болған қайғылы оқиға салдарынан бір қазақстандық қыз мерт болды.