Меншікті өндіріс
Біз әлеуметтік желілердеміз
Алматыда ер адамның қолында белгісіз зат жарылып кетті
Пациенттің қолына шұғыл түрде ота жасалуда
Алматыда 33 жастағы ер адам жарылғыш заттан зардап шекті, деп хабарлайды ҚазАқпарат.
Алдын ала белгілі болғандай, 33 жастағы жігіт таңғы 7:21-де ауруханаға жеткізілді. Түскен кезде оған қосарланған жарақат, бас сүйегі мен миы шайқалған деген диагноз қойылды.
«Жарылыс салдарынан оның оң қолы мен сүйектері жарақаттанған. Басы мен кеудесін, мойнын 2-3 дәрежелі күйік шалып, 2-дәрежелі шок алған. Денесінің 10 пайызын күйік шалған», - деді №4 қалалық аурухананың жарақат бөлімінің меңгерушісі Дәурен Түсіпов.
Дәрігерлер пациенттің қолына шұғыл түрде ота жасалғандығын жеткізді.
«Қазір пациенттің жағдайы ауыр. Қарқынды терапия бөлімінде ем қабылдап жатыр. Шокқа қарсы терапия жүргізілуде», - деді Д.Түсіпов.
Полция оқыс оқиға туралы кейін ақпарат беретіндігін хабарлады.